ਵਾਰਤਕ- ਇੱਕ ਖ਼ਤ

-
ਇੱਕ ਖ਼ਤ 

ਮਾਫ਼ ਕਰੀ ਪੁੱਤਰ,
ਧੀ ਹੋਣ ਕਰਕੇ ਮੈਂ ਤੇਰੇ ਨਾਲ ਕਦੀ ਜ਼ਿਆਦਾ ਸਮਾਂ ਨਹੀਂ ਬਿਤਾ ਸਕਿਆ, ਨਾ ਤੇਰੇ ਵਿਆਹ ਤੋਂ ਪਹਿਲਾਂ 'ਤੇ ਨਾ ਹੀ ਬਾਅਦ ਵਿੱਚ। ਮੈਨੂੰ ਮਾਫ਼ ਕਰੀ ਕਿ ਮੈਂ ਤੇਨੂੰ ਕਦੀ ਤੇਰੇ ਭਰਾ ਵਾਲੀ ਥਾਂ ਨਹੀਂ ਦੇ ਸਕਿਆ।
ਛੋਟੇ ਹੁੰਦਿਆਂ ਜਦੋਂ ਤੇਰਾ ਭਰਾ ਗਲਤੀਆਂ ਕਰਦਾ ਸੀ ਜਾਂ ਵੱਡਿਆ ਤੋਂ ਸੁਣੀਆਂ ਗਾਲਾਂ ਕਢਦਾ ਸੀ ਤਾਂ ਉਸਨੂੰ ਝਿੜਕਣ ਦੀ ਬਜਾਏ, ਉਸ ਦੀਆਂ ਗਲਤੀਆਂ 'ਤੇ ਹੱਸ ਦਿੰਦੇ ਸੀ, ਜਦੋਂ ਉਹ ਥੋੜ੍ਹਾ ਵੱਡਾ ਹੋ ਕੇ ਗਲਤੀ ਕਰਨ ਲੱਗਿਆ ਤਾਂ 'ਮੁੰਡਾ ਜਵਾਨ ਹੋ ਰਿਹਾ' ਸੋਚ ਕੇ ਨਜ਼ਰ ਅੰਦਾਜ਼ ਕਰ ਦਿੰਦੇ ਸੀ। ਹੁਣ ਜਦ ਉਹ ਗਲਤੀ ਕਰਦਾ ਹੈ ਤਾਂ ਉਸ ਨੂੰ ਕੁਝ ਵੀ ਕਹਿਣ ਦੀ ਹਿੰਮਤ ਹੀ ਨਹੀਂ ਹੁੰਦੀ ਕਿ ਕੀਤੇ ਉਹ ਸਾਨੂੰ ਘਰੋ ਨਾ ਕੱਢ ਦੇਵੇ। ਇਹ ਸਭ ਮੇਰੀ ਗਲਤੀ ਹੈ...
ਤੇਰੇ ਵੱਲ ਕਦੀ ਖ਼ਿਆਲ ਹੀ ਨਹੀਂ ਗਿਆ, ਤੂੰ ਕਦੋ ਵੱਡੀ ਹੋ ਗਈ, ਕਦੋਂ ਤੇਰਾ ਵਿਆਹ ਹੋ ਗਿਆ..!!!! ਮੈਨੂੰ ਤਾਂ ਇਹ ਵੀ ਨਹੀਂ ਪਤਾ ਤੈਨੂੰ ਕੀ ਵਧੀਆ ਲੱਗਦਾ ਹੈ, ਤੇਰੇ ਕੀ ਸੌਂਕ ਨੇ 'ਤੇ ਤੂੰ ਆਪਣੇ ਲਈ ਕੀ-ਕੀ ਸੁਪਨੇ ਵੇਖੇ ਸੀ!! ਮੈਂ ਤੈਨੂੰ ਜਦੋਂ ਵੇਖਿਆ ਤਾਂ ਬਸ ਆਪਣੀ ਮਾਂ ਨਾਲ ਘਰ ਦੇ ਕੰਮਾਂ ਵਿੱਚ ਉਲਝਿਆ ਹੀ ਵੇਖਿਆ ਹੈ। ਤੂੰ ਅੱਗੇ ਪੜ੍ਹਨਾ ਚਾਹਿਆ ਸੀ, ਤੇਰੀ ਮਾਂ ਨੇ ਮੈਨੂੰ ਦੱਸਿਆ ਸੀ, ਤੇਰਾ ਭਰਾ ਕਹਿੰਦਾ 'ਕੀ ਲੈਣਾ ਇਹਨੇ ਅੱਗੇ ਪੜ੍ਹ ਕੇ..?' 'ਤੇ ਮੈਨੂੰ ਵੀ ਇਹੀ ਠੀਕ ਲੱਗਿਆ ਸੀ..ਬਿਨਾਂ ਕੁਝ ਸੋਚਿਆ ਮੈਂ ਤੈਨੂੰ ਪੜ੍ਹਨੋ ਹਟਾ ਲਿਆ...ਉਸ ਲਈ ਮੈਨੂੰ ਮਾਫ਼ ਕਰੀ ਪੁੱਤ!!!
ਤੂੰ ਜਦ ਵੀ ਘਰ ਦੇ ਦਰਵਾਜ਼ੇ ਕੋਲ ਖੜ੍ਹਨਾ ਚਾਹਿਆ ਤਾਂ ਤੈਨੂੰ ਘੂਰ ਕੇ ਅੰਦਰ ਜਾਣ ਲਈ ਕਹਿ ਦਿੱਤਾ ਜਾਂਦਾ, ਜਦ ਤੂੰ ਹੱਸਣਾ ਜਾਂ ਗਾਉਣਾ ਚਾਹਿਆ ਤਾਂ ਤੈਨੂੰ ਝਿੜਕ ਦਿੱਤਾ ਜਾਂਦਾ, ਇਥੋਂ ਤੱਕ ਕਿ ਤੂੰ ਆਪਣੇ ਸਾਹ ਵੀ ਮਰਜ਼ੀ ਨਾਲ ਨਾ ਲਏ, ਤੂੰ ਆਪਣੀ ਮਰਜ਼ੀ ਲਈ ਬਗਾਵਤ ਕਰ ਸਕਦੀ ਸੀ, ਪਰ ਤੈਨੂੰ ਇਹੀ ਸਿਖਾਇਆ ਗਿਆ ਕਿ ਕੁੜੀਆਂ ਝੁਕ ਕੇ ਹੀ ਰਹਿੰਦੀਆਂ ਨੇ, ਕਦੀ ਆਪਣੇ ਮਾਂ ਪਿਉ ਦੀ ਇੱਜ਼ਤ ਪਲੀਤ ਨਹੀਂ ਕਰਦੀਆਂ!!! ਪਰ ਅੱਜ ਮੈਂ ਸ਼ਰਮਿੰਦਾ ਹਾਂ ਪੁੱਤ!!! ਤੇਰੀ ਮਰਜ਼ੀ ਤੋਂ ਵੱਧ ਕੁਝ ਵੀ ਨਹੀਂ..ਮੈਨੂੰ ਤੂੰ ਬਸ ਮਾਫ਼ ਕਰਦੀਂ..
ਅੱਜ ਜਦੋਂ ਤੈਨੂੰ ਬਾਹਰ ਜਾਂਦਿਆ ਝਿਜਕਦੇ ਵੇਖਦਾ ਜਾਂ ਇਕੱਲਿਆਂ ਘਰ ਦੇ ਕੰਮਾਂ ਵਿੱਚ ਉਲਝਦਿਆਂ ਵੇਖਦਾ ਤਾਂ ਆਪਣੀ ਪਰਵਰਿਸ਼ 'ਤੇ ਸ਼ਰਮ ਆਉਂਦੀ ਏ...ਕਿ ਮੈਂ ਤੈਨੂੰ ਤੇਰੀ ਅਜ਼ਾਦੀ..ਤੇਰੀ ਮਰਜ਼ੀ ਦੀ ਜ਼ਿੰਦਗੀ ਕਿਉਂ ਨਹੀਂ ਦੇ ਸਕਿਆ? ਕਿਉਂ ਤੈਨੂੰ ਏਨਾ ਲਾਚਾਰ ਤੇ ਕੰਮਜ਼ੋਰ ਬਣਾ ਦਿੱਤਾ???? ਕਿਉਂ ਤੈਨੂੰ ਤੇਰੇ ਭਰਾ ਦੇ ਬਰਾਬਰ ਨਹੀਂ ਸਮਝਿਆ??? ਜਦ ਕਿ ਤੁਸੀਂ ਦੋਵੇਂ ਹੀ ਮੇਰਾ ਖੂਨ ਸੀ!!!
ਪੁੱਤ ..ਬਸ ਮੈਂ ਹੁਣ ਇਹੀ ਚਾਹੁੰਦਾ ਹਾਂ ਕਿ ਤੂੰ ਆਪਣੀ ਜ਼ਿੰਦਗੀ ਆਪਣੇ ਤਰੀਕੇ ਨਾਲ ਜਿਉਂਵੇ...'ਤੇ ਆਪਣੀ ਧੀ ਦੀ ਪਰਵਰਿਸ਼ ਖ਼ੁਦ ਕਰੇ, ਉਸਨੂੰ ਕਦੀ ਇਹ ਨਾ ਕਹੀ ਕਿ ਕੁੜੀਆਂ ਇਹ ਨੀ ਕਰਦੀਆਂ..ਕੁੜੀਆਂ ਉਹ ਨੀ ਕਰਦੀਆਂ..!!! ਤੂੰ ਉਸਨੂੰ ਬਸ ਇਹੀ ਕਹੀ ਕਿ ਕੁੜੀਆਂ ਸਭ ਕੁਝ ਕਰ ਸਕਦੀਆਂ ਨੇ ..ਕੋਈ ਵੀ ਅਜਿਹਾ ਕੰਮ ਨਹੀਂ, ਜੋ ਇਕੱਲੇ ਮੁੰਡਿਆਂ ਦੇ ਹਿੱਸੇ ਆਇਆ ਹੈ ਤੇ ਕੋਈ ਵੀ ਅਜਿਹੀ ਜ਼ਿੰਮੇਵਾਰੀ ਨਹੀਂ ਜੋ ਇਕੱਲੀਆਂ ਔਰਤਾਂ ਨੇ ਹੀ ਨਿਭਾਉਣੀ ਹੈ। 'ਤੇ ਇਸ ਤੋਂ ਬਿਨਾ ਆਪਣੇ ਪੁੱਤਰ ਨੂੰ ਘਰ ਦੇ ਕੰਮ ਕਰਦਿਆਂ ਕਦੀ ਟੋਕੀ ਨਾ, ਨਹੀਂ ਤਾਂ ਉਸਦੇ ਮਨ ਵਿੱਚ ਉਹੀ ਰੁੜਵਾਦੀ ਧਾਰਨਾਵਾਂ ਨੇ ਘਰ ਕਰ ਜਾਣਾ ਹੈ। ਸਭ ਦੇ ਹੱਕ ਬਰਾਬਰ ਨੇ ਪੁੱਤ।
'ਤੇ ਮੈਂ ਵੀ ਹੁਣ ਤੇਰੀ ਮਾਂ ਨੂੰ ਕਦੀ ਅੰਦਰ ਬਾਹਰ ਜਾਂਦਿਆਂ ਰੋਕਦਾ-ਟੋਕਦਾ ਨੀ.. ਦੇਰ ਨਾਲ ਹੀ ਸਹੀ ਪਰ ਕੁਝ ਤਾਂ ਮੈਂ ਉਹਦੇ ਲਈ ਹੁਣ ਕਰ ਸਕਦਾ ਨਾ..!!!!

-ਸਿਮਰਨ.

Comments

Post a Comment

Popular posts from this blog

ਇਕ ਰਾਤ ਦਾ ਸੱਚ-ਵਿਲੀਅਮ ਸਰੋਯਾਨ

-
Image
ਉਹ ਦਿਨ ਅਜਿਹਾ ਹੀ ਸੀ- ਨੀਲੀ ਧੁੰਦ, ਬੀਤੀਆਂ ਯਾਦਾਂ ਤੇ ਗੀਤਾਂ ਦਾ ਦਿਨ। ਮੈਂ ਦੁਪਹਿਰ ਭਰ ਆਪਣੇ ਕਮਰੇ ਵਿਚ ਬੈਠਾ ਰਿਹਾ ਅਤੇ ਪੁਰਾਣੇ ਰਿਕਾਰਡ ਸੁਣਦਾ ਰਿਹਾ। ਹਰ ਪਾਸੇ ਚਾਨਣ ਨਾਲੋਂ ਜ਼ਿਆਦਾ ਹਨ੍ਹੇਰਾ ਸੀ ਅਤੇ ਮੈਂ ਬੈਠਾ-ਬੈਠਾ ਉਸ ਗਾਣੇ ਨੂੰ ਯਾਦ ਕਰਦਾ ਰਿਹਾ, ਜੋ ਇਕ ਵਾਰ ਮੈਂ ਬੱਸ ਵਿਚ ਇਕ ਕੁੜੀ ਨੂੰ ਸੁਣਾਇਆ ਸੀ। ਕੁਝ ਪਲ਼ਾਂ ਲਈ ਅਸੀਂ ਇਕ-ਦੂਜੇ ਨੂੰ ਮੁਹੱਬਤ ਕਰਨ ਲੱਗੇ ਸੀ। ਟੋਪੇਕਾ ਪਹੁੰਚਦਿਆਂ ਹੀ ਉਹ ਬੱਸ ਵਿਚੋਂ ਉਤਰ ਗਈ ਅਤੇ ਫਿਰ ਮੈਂ ਉਸਨੂੰ ਕਦੀ ਨਹੀਂ ਦੇਖਿਆ। ਮੈਂ ਉਸਨੂੰ ਚੁੰਮਿਆ ਸੀ। ਉਹ ਰੋ ਰਹੀ ਸੀ। ਮੁਹੱਬਤ ਦੀ ਬੇਵੱਸ ਪੀੜ ਨਾਲ ਮੈਂ ਟੁੱਟ ਗਿਆ ਸੀ। ਉਹ ਅਗਸਤ ਦੀ ਜਵਾਨ ਰਾਤ ਸੀ ਅਤੇ ਮੈਂ ਜ਼ਿੰਦਗੀ ’ਚ ਪਹਿਲੀ ਵਾਰ ਨਿਊਯਾਰਕ ਜਾ ਰਿਹਾ ਸੀ। ਮੈਂ ਪਰੇਸ਼ਾਨ ਹੋ ਗਿਆ ਸੀ ਕਿਉਂਕਿ ਉਹ ਆਪਣੇ ਰਸਤੇ ਜਾ ਰਹੀ ਸੀ ਅਤੇ ਮੈਂ ਆਪਣੇ। ਅੱਜ ਧੁੰਦ ਦੀ ਇਸ ਸੁੰਨੀ ਦੁਪਹਿਰ ਨੂੰ ਮੈਂ ਕਮਰੇ ਵਿਚ ਬੈਠਾ-ਬੈਠਾ ਇਹੀ ਸੋਚਦਾ ਰਿਹਾ ਕਿ ਕਿਵੇਂ ਕੋਈ ਇਕ ਰਾਹ ਫੜ੍ਹ ਲੈਂਦਾ ਹੈ ਅਤੇ ਹੋਰ ਸਾਰੇ ਜਾਣਕਾਰ ਦੂਜੇ ਰਾਹਾਂ ’ਤੇ ਚਲੇ ਜਾਂਦੇ ਹਨ; ਹਰ ਜ਼ਿੰਦਗੀ ਦਾ ਆਪਣਾ ਅਲੱਗ ਰਾਹ ਹੈ ਅਤੇ ਹਰ ਘੜੀ ਕਿਤੇ ਨਾ ਕਿਤੇ ਕੋਈ ਨੌਜਵਾਨ ਮਰ ਜਾਂਦਾ ਹੈ। ਕੁਝ ਲੋਕ ਰਾਹ ਤੈਅ ਕਰਦੇ ਕਰਦੇ ਖ਼ਤਮ ਹੋ ਜਾਂਦੇ ਹਨ। ਕਹਿਣ ਨੂੰ ਇਹ ਦੁਨੀਆਂ ਛੋਟੀ ਜਿਹੀ ਹੋ ਗਈ ਪਰ ਇਸ ਜ਼ਿੰਦਗੀ ’ਚ ਜੇ ਕਿਸੇ ਨਾਲ ਦੁਬਾਰਾ ਮਿਲਣਾ ਨਾ ਹੋ ਸਕੇ ਤਾਂ ਫਿਰ ਕਦੀ ਮਿਲਣਾ ਨਹੀਂ ਹੁੰਦਾ। ਜੇ ਤੁਸੀਂ ਵਾਪਿ...
Read more

To the Young Who Want to Die

-
Image
ਬੈਠ। ਲੰਬਾ ਸਾਹ ਖਿੱਚ ਅਤੇ ਛੱਡ। ਬੰਦੂਕ ਇੰਤਜ਼ਾਰ ਕਰ ਸਕਦੀ ਹੈ। ਝੀਲ ਇੰਤਜ਼ਾਰ ਕਰ ਸਕਦੀ ਹੈ। ਉਸ ਨੰਨ੍ਹੀ ਫ਼ਰੇਬੀ ਸ਼ੀਸ਼ੀ ‘ਚ ਬੰਦ ਜ਼ਹਿਰ ਇੰਤਜ਼ਾਰ ਕਰ ਸਕਦਾ ਹੈ। ਇੰਤਜ਼ਾਰ ਕਰ ਸਕਦਾ ਹੈ, ਕਰ ਸਕਦਾ ਹੈ ਇੰਤਜ਼ਾਰ: ਹਫ਼ਤੇ ਭਰ ਦਾ ਇੰਤਜ਼ਾਰ: ਅਪ੍ਰੈਲ ਤੱਕ ਦਾ ਇੰਤਜ਼ਾਰ : ਤੂੰ ਇਸ ਤੈਅ ਕੀਤੇ ਦਿਨ ਨਹੀਂ ਮਰਨਾ ਹੈ। ਮੌਤ ਇਥੇ ਹੀ ਰਹੇਗੀ, ਤੇਰੇ ਟਾਲ-ਮਟੋਲ ਨੂੰ ਲਾਡ ਲਡਾਏਗੀ। ਮੇਰਾ ਯਕੀਨ ਮੰਨ ਉਹ ਤੇਰਾ ਇੰਤਜ਼ਾਰ ਕਰੇਗੀ। ਉਸਦੇ ਕੋਲ ਬਹੁਤ ਵਕ਼ਤ ਹੈ। ਉਹ ਕੱਲ ਹੀ ਤੈਨੂੰ ਤਵੱਜੋ ਦੇਣ ਲੱਗ ਜਾਵੇਗੀ ਜਾਂ ਅਗਲੇ ਹਫ਼ਤੇ। ਮੌਤ ਇੱਧਰ ਹੀ ਹੇਠਾਂ ਗਲੀ ‘ਚ ਰਹਿੰਦੀ ਹੈ, ਬੇਹੱਦ ਨਰਮ ਸੁਭਾਅ ਦੀ ਗੁਆਂਢਣ; ਤੇਰਾ ਕਿਸੇ ਵੀ ਘੜੀ ਸਾਹਮਣਾ ਹੋ ਜਾਵੇਗਾ। ਤੈਨੂੰ ਅੱਜ-ਹੁਣ ਹੀ ਮਰਨ ਦੀ ਲੋੜ ਨਹੀਂ ਹੈ। ਇੱਥੇ ਰੁਕ- ਘੁੱਟਣ, ਦਰਦ ਤੇ ਤਕਲੀਫ਼ ਨਾਲ ਲੜ। ਇੱਥੇ ਰੁਕ। ਦੇਖ, ਕੱਲ ਕੀ ਖ਼ਬਰ ਆਉਂਦੀ ਹੈ। ਕਬਰਾਂ ਦੀ ਹਰਿਆਲੀ ਤੇਰੇ ਕਿਸੇ ਕੰਮ ਦੀ ਨਹੀਂ ਹੈ। ਭੁੱਲ ਨਾ, ਹਰਾ ਤੇਰਾ ਰੰਗ ਹੈ। ਤੂੰ ਬਸੰਤ ਹੈ। ਲੇਖਕ Gwendolyn brooks ਦੀ ਕਵਿਤਾ ‘To the Young Who Want to Die’ ਦਾ ਪੰਜਾਬੀ ਅਨੁਵਾਦ।
Read more

ਕਹਾਣੀ: ਅਗਸਤ ਦੇ ਪ੍ਰੇਤ-ਗੈਬਰੀਅਲ ਗਾਰਸੀਆ ਮਾਰਕੇਜ਼

-
Image
(ਗੈਬਰੀਅਲ ਗਾਰਸੀਆ ਮਾਰਕੇਜ਼ ਇੱਕ ਮਸ਼ਹੂਰ ਕੋਲੰਬੀਅਨ ਲੇਖਕ ਅਤੇ ਪੱਤਰਕਾਰ ਸੀ, ਜਿਸ ਦਾ ਜਨਮ 6 ਮਾਰਚ, 1927 ਨੂੰ ਕੋਲੰਬੀਆ ਦੇ ਇੱਕ ਛੋਟੇ ਜਿਹੇ ਕਸਬੇ ਅਰਾਕਾਟਾਕਾ ਵਿੱਚ ਹੋਇਆ। ਉਸ ਨੂੰ 20ਵੀਂ ਸਦੀ ਦੇ ਸਭ ਤੋਂ ਮਹੱਤਵਪੂਰਨ ਲੇਖਕਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਮਾਰਕੇਜ਼ ਦਾ ਸਭ ਤੋਂ ਮਸ਼ਹੂਰ ਨਾਵਲ ‘ਵਨ ਹੰਡਰਡ ਈਅਰਜ਼ ਆਫ ਸੋਲੀਟਿਊਡ’ ਹੈ, ਜੋ 1967 ਵਿੱਚ ਪ੍ਰਕਾਸ਼ਿਤ ਹੋਇਆ ਸੀ। ਇਸ ਨਾਵਲ ਨਾਲ ਉਸ ਨੂੰ ਅੰਤਰਰਾਸ਼ਟਰੀ ਪੱਧਰ ’ਤੇ ਪ੍ਰਸਿੱਧੀ ਹਾਸਿਲ ਹੋਈ ਅਤੇ 1982 ਵਿੱਚ ਉਸ ਨੂੰ ਸਾਹਿਤ ਦਾ ਨੋਬਲ ਪੁਰਸਕਾਰ ਮਿਲਿਆ। ਉਸ ਨੇ ਲਾਤੀਨੀ ਅਮਰੀਕੀ ਸਾਹਿਤ ਵਿੱਚ ‘ਜਾਦੂਈ ਯਥਾਰਥਵਾਦ’ (ਮੈਜਿਕ ਰੀਅਲਿਜ਼ਮ) ਸ਼ੈਲੀ ਨੂੰ ਪ੍ਰਸਿੱਧ ਕੀਤਾ। ‘ਵਨ ਹੰਡਰਡ ਈਅਰਜ਼ ਆਫ ਸੋਲੀਟਿਊਡ’ ਵਾਂਗ ਉਸਦੀ ਇਹ ਕਹਾਣੀ ‘ਅਗਸਤ ਦੇ ਪ੍ਰੇਤ’ ਵੀ ਜਾਦੂਈ ਯਥਾਰਥਵਾਦ ਦੀ ਮਿਸਾਲ ਹੈ, ਇਸ ਨੂੰ ਹਿੰਦੀ ਵਿਚ ਸੁਸ਼ਾਂਤ ਸੁਪ੍ਰਿਆ ਨੇ ਅਨੁਵਾਦ ਕੀਤਾ ਹੈ।) ਦੁਪਿਹਰ ਤੋਂ ਕੁਝ ਚਿਰ ਪਹਿਲਾਂ ਅਸੀਂ ਅਰੇਜੋ ਪਹੁੰਚ ਗਏ, ਅਸੀਂ ਦੋ ਘੰਟਿਆਂ ਤੋਂ ਵੀ ਵੱਧ ਸਮਾਂ ਪੁਨਰ-ਉਥਾਨ ਵੇਲੇ ਦੇ ਅਜਿਹੇ ਮਹਿਲ ਨੂੰ ਲੱਭਦਿਆਂ ਬਿਤਾ ਦਿੱਤਾ, ਜਿਸਨੂੰ ਹਾਲ ’ਚ ਹੀ ਵੇਨੇਜੁਏਲਾ ਦੇ ਲੇਖਕ ਮਿਗੁਏਲ ਓਤੇਰੋ ਸਿਲਵਾ ਨੇ ਖ਼ਰੀਦਿਆ ਸੀ, ਜੋ ਬਹੁਤ ਹੀ ਰਮਣੀਕ ਤੇ ਦਿਹਾਤੀ ਇਲਾਕੇ ’ਚ ਸੀ । ਉਹ ਅਗਸਤ ਦੇ ਸ਼ੁਰੂਆਤੀ ਦਿਨਾਂ ਦਾ ਬੇਹੱਦ ਝੁਲਸਾਉਣ ਤੇ ਚਹਿਲ-ਪਹਿਲ ਵਾਲਾ ਐਤਵਾਰ ਸੀ। ਸੈਲਾਨੀਆਂ ਨਾਲ ਭਰੀਆਂ ਗਲੀਆਂ ਵਿਚੋਂ ਕਿ...
Read more